Tímastjórnun - gerðu það núna

Tímastjórnun - Gerðu það núna!

Með því að fjölga ákvörðunum þá gerum við miklu meira. Minni frestun = aukin afköst.

Það er alltaf erfitt fyrir okkur hjá IBT að tala um tímastjórnunarnámskeið,því ekki getum við stjórnað tímanum.  En þetta efni sem við tökum fyrir í Gerðu það núna!, erum við sannfærð um að það eigi eftir að virka fyrir þig. Þetta eru svipuð efnistök og í PEP þjálfun sem hefur verið í þróun í yfir 30 ár út um allan heim og verið í boði sem einkaþjálfun á Íslandi í meira en 10 ár.

Að breyta vinnuvenjum kallar á ástundun og ábyrgð. Það er mjög auðvelt að falla í sama farið aftur. Áreitið er oft mikið og þátttakendur skoða einfaldar en áhrifaríkar aðferðir til að nýta tíma sinn betur og vinna vinnu sína með þeim hætti að það sér við stjórnvölin en láti ekki stjórnast af áreiti umhverfisins.

Markmið námskeiðsins

• Að þú lærir að umgangast tímann þinn sem þína dýrmætustu eign.
• Að þú lærir leiðir til að fjölga ákvörðunum þínum.
• Að þú temjir þér lykilhugtakið í PEP þjálfun, Gerðu það núna!

Skipulag námskeiðsins

Námskeiðið er tvískipt:

Í fysta hlutanum er fjallað um Gerðu það núna“, lykilhugtakið í PEP þjálfun. Með því að tileinka sér þá hugsun fjölgum við ákvörðunum okkar og ávinningurinn er aukin afköst og minni frestun.

Í seinni hlutanum er áherslan á eigin áætlanagerð og forgangsröðun. Flestir starfsmenn hafa fleiri verkefni á sínu borði en þeir koma í verk. Ekkert gerir starfsmenn verðmætari en hæfileikinn að forgangsraða með skilvirkum hætti.

‍